Besimtarëve myslimanë të cilës i gëzohen bashkë me më të dashurit e tyre, i ka uruar presidenti, Hashim Thaçi.
“Duke dëshmuar bujarinë tonë, bamirësinë, tolerancën, fisnikërinë dhe çdo vlerë të shoqërisë sonë, duke i forcuar dhe besuar në to, ne e mbështesim njëri-tjetrin, përkujdesemi për njëri-tjetrin dhe bashkërisht, pa dallime, ecim përpara”, thuhet në urimin e Thaçit.
Edhe kryeministri, Ramush Haradinaj, ka uruar bashkëkombësit e besimit islam që kanë agjëruar këtë muaj të shenjtë.
“Me shpresën e një agjërimi të pranueshëm, uroj që të jemi pranë njëri tjetrit me vetëmohim e solidaritet”, thuhet në urimin e Haradinaj.
Zëvendëskryeministri, Behgjet Pacolli, njëherit edhe Ministër i Jashtëm ka uruar për një ditë të Bajramit për tu mbajtur mend gjatë, ashtu sikurse mbahen mend edhe veprat e mira gjatë këtij muaji që po lëmë pas.
“Sonte përfundoi muaji i Ramazanit. Qēllimi i agjerimit ka qenë i thjeshtë e fisnik, ai i forcimit të lidhjes dhe besimit të njerëzve në Zot, freskimi dhe forcimi i lidhjeve farefisnore, forcimi i lidhjeve sociale, forcimi i përkrahjes së njeriut për njeriun. Nga ky muaj shoqëria ka dalë më e fortë dhe më e begatë”, thuhet në urimin e Pacollit./arbresh.info/
Betohen 20 kadetët e rinj të Qendrës për Studime Universitar...
Kurti takoi Drejtorin e Përgjithshëm për Zgjerim të Bashkimi...
Arrestohen dy persona të cilët kërkoheshin me nga dy urdhër...
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...